ಹೌಡಿ ಫಿರೆಂಡ್ಸ್!!

ಹೌಡಿ ಫಿರೆಂಡ್ಸ್!!
ಫೇಸ್ಬುಕ್ ಸ್ನೇಹಿತರೊಬ್ಬರು ನಾನೊಬ್ಬ ಎನ್ನಾರೈ ಎಂದು ಈರ್ಷ್ಯೆ, ಅಸಹಿಷ್ಣುತೆ, ಸಂಕುಚಿತತೆಯಿಂದ ಮೂದಲಿಸಲೋ ಎಂಬರ್ಥದಲ್ಲಿ "ಇಲ್ಲಿ ಜನ ಒಂದು ಬಿರಿಯಾನಿ ಮತ್ತು ೨೦೦ ರುಪಾಯಿ ಆಸೆಗೆ ರಾಜಕೀಯ ಸಮಾವೇಶಕ್ಕೆ ಹೋದರೆ ಅವರನ್ನ ಮಾನಗೆಟ್ಟವರು, ಇವರಿಂದಾನೇ ದೇಶ ಹಾಳಾಗಿರೋದು ಎಂದು ಬೈತೀರಿ.. ಆದರೆ ಬಾರತದ ಪೌರತ್ವಕ್ಕೆ ತಿಲಾಂಜಲಿ ಬಿಟ್ಟು, ಇನ್ನೊಂದು ದೇಶದ ಪೌರತ್ವ ಪಡೆದು, ಅಲ್ಲಿನ ಸವಲತ್ತನ್ನೆಲ್ಲಾ ಪಡೆದು ಹೌಡಿ ಮೋದಿ ಅಂತಹ ರಾಜಕೀಯ ಸಮಾವೇಶಕ್ಕೆ ಬಾವುಟ ಹಾರಿಸಿಕೊಂಡು ಬರುವ ಎಡಬಿಡಂಗಿ ಎನ್ ಆರ್ ಐ ಗಳನ್ನು ದೇಶಪ್ರೇಮಿಗಳು ಅಂತೀರಿ..!

ಇದು ಶ್ರೀಮಂತರು ಹರಿದು ಹಾಕೋ ಬಟ್ಟೆ ಫ್ಯಾಷನ್ ಅಂತಲೂ ಬಡವರದಾದರೆ ಗತಿಕೆಟ್ಟವು ಎಂದಂತಲ್ಲವೇ.." ಎಂದು ಕಾಮೆಂಟ್ ಹಾಕಿದ್ದರು.

ಅದಕ್ಕೆ ನಾನು ಹೇಳುವುದಿಷ್ಟೇ... "ಭಾರತ ಸರ್ಕಾರ 'ಸಾಗರೋತ್ತರ ಪ್ರಜೆ' ಎಂಬ ಪಾಸ್ಪೋರ್ಟ್ ಮಾದರಿಯ ಗುರುತಿನ ಚೀಟಿಯೊಂದನ್ನು ತನ್ನ ಎನ್ನಾರೈಗಳಿಗೆ ಕೊಡುತ್ತದೆ. ಹಾಗೆಯೇ ಅಮೆರಿಕ ದ್ವಿಪೌರತ್ವವನ್ನು ಗೌರವಿಸುತ್ತದೆ. ಅಲ್ಲಿಗೆ ಮೇಲಿನ ಆರೋಪ ಠುಸ್ ಎಂದು ಪರಿಸಮಾಪ್ತಿಯಾಗುತ್ತದೆ."

ಎನ್ನಾರೈ ಎಂಬ ವ್ಯಾಖ್ಯಾನವನ್ನೇ ಸರಿಯಾಗಿ ಅರಿಯದೆ ಎನ್ನಾರೈಗಳ ಕಾರ್ಯಗಳನ್ನು ವಿಮರ್ಶಿಸಲು ಹೋಗುವುದು ಕೈಗೆಟುಕದ ದ್ರಾಕ್ಷಿ ಹುಳಿಯೆಂದಂತೆ ಎನ್ನಬಹುದೇ!

ಮೋದಿಯನ್ನು ಟೀಕಿಸುವ ಭರದಲ್ಲಿ, ಉರುಳುತ್ತಿರುವವನಿಗೆ ಹುಲ್ಲುಕಡ್ಡಿಯೂ ಆಸರೆ ಎಂಬಂತೆ ಆತನ ಪ್ರತಿಯೊಂದು ನಡೆಯನ್ನು ಟೀ(ತವ)ಕಿಸುವ ಭರದಲ್ಲಿ ಖುದ್ದು ಕಳೆದುಹೋಗಬೇಡಿ. "ಮತ್ತೊಮ್ಮೆ ಟ್ರಂಪ್" ಎಂದು ಟ್ರಂಪನನ್ನು ಬಿಜೆಪಿ ಅಭ್ಯರ್ಥಿ ಎಂಬಂತೆ ಮೋದಿ ಬಿಂಬಿಸಿದ್ದನ್ನು ಘನವಾಗಿ ಟೀಕಿಸಿ.

ವೃಷಣವ ಮಸ್ತಕವ ಮಾಡಿ
ತೃಣವ ಘನವೆನ್ನಿಸಿ
ಅರ್ಬುದದ ಬೀಜವ ಘನಲಿಂಗ ಮಾಡಿ
ಒಡ್ಡೋಲಗದಿ ಅದ್ಭುತ ಅತ್ಯದ್ಭುತವೆಂದು ಕೊಂಡಾಡುವ ತನು ವಿಕಾರಿ, ಮನ ವಿಕಾರಿಗಳ ಬೆವಹಾರವೆಪ್ಪುದೋ ಬಪ್ಪಾ ವಿಕಾರಲೋಕ ಸಂಚಾರಿ ಹಗೆದಿಬ್ಬೇಶ್ವರ!

#ಭಾರತವೆಂಬೋಹುಚ್ಚಾಸ್ಪತ್ರೆಯಲ್ಲಿ
#ಕರ್ನಾಟಕವೆಂಬೋಕಮಂಗಿಪುರದಲ್ಲಿ